Олоххо үөрэ-көтө сылдьар, баай уопуттаах муударай дьон мустан, итии сыһыаны, алтыһыыны уонна харыстабылы бэлэхтииллэр. Кинилэр – Алдан оройуонун бэтэрээннэрэ – Нерюнгрига баар “Аврора” мэдиссиинэ килииньикэтинКөхтөөх уһун үйэлэнии филиалын “Уһун үйэлэнии айанын” кыттыылаахтара.
“Эдэрбитигэр эргиллибит курдукпут”
Бу “Уһун үйэлэнии айанын” кыттыылаахтара Нерюнгрига баар И.И. Пьянков аатынан Соҕуруу Саха сирин баһылааһын түмэлигэр экскурсияны ордук чорботон кэпсииллэр. Кинилэр манна эспэнээттэри сэҥээрэ эрэ көрбөккө, урукку сылларга төннөн, эдэрдэригэр түспүт курдук сананаллар. Саһарбыт хаартыскалары сыныйан көрө-көрө, билэр дьоннорун уонна сирдэрин саныы биэрэллэр, оччотооҕу эдэр саас эрчимнээх кэмнэрин мичээрдии саныыллар, бастакы тутуулары уонна улахан эрэли эргитэллэр.
Экскурсовод Елена Владимировна Братчикова хас биирдии түмэл муннугун бэрт интэриэһинэйдик кэпсээн бардаҕына, устуоруйа тиллэргэ дылы буолар.
“Биһигини филиал администратордара бэрт истиҥник көрүстүлэр, -- диир Татьяна Степановна Давыдюк. — Киин тэрийбит бырагырааматын олус сөбүлээтибит. Ордук уйулҕаһыт Мария Александровна ыытар болҕомтону уонна өйү-санааны сайыннарар дьарыктарын сэҥээрдим. Оттон бэрт интэриэһинэй маастар-кылаастар тустарынан этэ да барыллыбат! Астара-үөллэрэ арааһынай уонна минньигэс”.
Ураты кыһамньы
Хас биирдии сынньанааччы тупсаҕайдык уонна куттала суох сананарын курдук, тэрийээччилэр ымпыгар-чымпыгар диэри таҥан оҥорбуттар. Ханна да барбакка-кэлбэккэ, миэстэтигэр сытан доруобуйаҕын бэрэбиэркэлэнэҕин. Бороссодуура кэбиниэтигэр уопуттаах лабарааннар анаалыс ылаллар уонна ЭКГ түһэрэллэр. Елена Николаевнаны кытары сарсыардааҥҥы сэрээккэ күн устатыгар эрчими эбэр, оттон киэһэтин истиҥ кэпсэтии, киинэҕэ эбэтэр бибилэтиэкэҕэ сылдьыы тэриллэр.
Хас биирдии ыалдьыт – олох кинигэтэ
* Августа Максимовна Шаева, 89 саастаах. Сэрии кэмин оҕото, кыра сааһыттан кытаанах үлэ диэн тугун билбитэ. Кини үлэтин ыстааһа – 50-тан тахса сыл. Аҕа дойду Улуу сэриитин кэнниттэн урусхалламмыт дойдуну хайдах чөлүгэр түһэрбиттэрин бу баардыы өйдүүр.
* Галина Михайловна Беляева, 86 саастаах. Эдэркээн сылдьан, Алдаҥҥа көһөн кэлбитэ уонна сопхуос ыһыллыар диэри үтүө суобаһынан үлэлээбитэ. Олоҕун тухары тэрээһиҥҥэ барытыгар көхтөөх. “Дьэ, билигин сынньаныахха сөп буолла”, -- диэн мичээрдиир. Даача кэмэ түмүктэммитин кэннэ бэтэрээннэр сэбиэттэрэ сүбэлээбиттэригэр бу филиалга кэлэн үөрэ-көтө сынньанным. Хас биирдии күн биллибэккэ ааста, олус астынным!”
* Алла Илларионовна Беспрозванных, 73 саастаах. Ханнык да харгыстан толлон турбат, үйэтин тухары тутууга үлэлээбит, оннооҕор силиэсэрдии сылдьыбыттаах. “Мин Нерюнгрига аан бастаан сырыттым. Күн ахсын – түмэл, бибилэтиэкэ, киинэ, оннооҕор үҥкүүгэ сырыттыбыт! Быраастар, анаалыс, сэрээккэ... Дьиэбэр тиийиэм – хайаан да дьүөгэлэрбэр сүбэлиэм”, диир кини.
Маны таһынан “Амикан” пааркаҕа дьаарбайдылар, технопааркаҕа баар сүүнэ улахан БелАЗтарга тиийэ сырыттылар уонна “Нерюнгринские Долголетки” кулууп чилиэннэрин кытары ирэ-хоро итии чэйдээх кэпсэттилэр.
Маннык айан көхтөөх сынньалаҥ, саҥа арыйыы уонна истиҥ кэпсэтии хайа да сааска наадатын санатар. Сынньалаҥтан күүс-уох ылаҕын, доруобуйаҕын тупсараҕын уонна саҥа доҕоттору кытары билсэҕин.
Эһиги эмиэ маннык айаҥҥа турунуоххутун баҕараҕыт дуо? Оччоҕо маннык симиэнэлэргэ суруйтарыҥ:
* алтынньы 7–16 күннэрэ
* алтынньы 21–30 күннэрэ
* сэтинньи 4–13 күннэрэ
* сэтинньи 18–27 күннэрэ
* ахсынньы 2–11 күннэрэ
* ахсынньы 16–25 күннэрэ
Сиһилии маннык төл. эрийэн билсиҥ: 8 (914) 826-30-55, 8 (914) 271-00-88, 8 (914) 109-58-06.
“Эдэрбитигэр эргиллибит курдукпут”
Бу “Уһун үйэлэнии айанын” кыттыылаахтара Нерюнгрига баар И.И. Пьянков аатынан Соҕуруу Саха сирин баһылааһын түмэлигэр экскурсияны ордук чорботон кэпсииллэр. Кинилэр манна эспэнээттэри сэҥээрэ эрэ көрбөккө, урукку сылларга төннөн, эдэрдэригэр түспүт курдук сананаллар. Саһарбыт хаартыскалары сыныйан көрө-көрө, билэр дьоннорун уонна сирдэрин саныы биэрэллэр, оччотооҕу эдэр саас эрчимнээх кэмнэрин мичээрдии саныыллар, бастакы тутуулары уонна улахан эрэли эргитэллэр.
Экскурсовод Елена Владимировна Братчикова хас биирдии түмэл муннугун бэрт интэриэһинэйдик кэпсээн бардаҕына, устуоруйа тиллэргэ дылы буолар.
“Биһигини филиал администратордара бэрт истиҥник көрүстүлэр, -- диир Татьяна Степановна Давыдюк. — Киин тэрийбит бырагырааматын олус сөбүлээтибит. Ордук уйулҕаһыт Мария Александровна ыытар болҕомтону уонна өйү-санааны сайыннарар дьарыктарын сэҥээрдим. Оттон бэрт интэриэһинэй маастар-кылаастар тустарынан этэ да барыллыбат! Астара-үөллэрэ арааһынай уонна минньигэс”.
Ураты кыһамньы
Хас биирдии сынньанааччы тупсаҕайдык уонна куттала суох сананарын курдук, тэрийээччилэр ымпыгар-чымпыгар диэри таҥан оҥорбуттар. Ханна да барбакка-кэлбэккэ, миэстэтигэр сытан доруобуйаҕын бэрэбиэркэлэнэҕин. Бороссодуура кэбиниэтигэр уопуттаах лабарааннар анаалыс ылаллар уонна ЭКГ түһэрэллэр. Елена Николаевнаны кытары сарсыардааҥҥы сэрээккэ күн устатыгар эрчими эбэр, оттон киэһэтин истиҥ кэпсэтии, киинэҕэ эбэтэр бибилэтиэкэҕэ сылдьыы тэриллэр.
Хас биирдии ыалдьыт – олох кинигэтэ
* Августа Максимовна Шаева, 89 саастаах. Сэрии кэмин оҕото, кыра сааһыттан кытаанах үлэ диэн тугун билбитэ. Кини үлэтин ыстааһа – 50-тан тахса сыл. Аҕа дойду Улуу сэриитин кэнниттэн урусхалламмыт дойдуну хайдах чөлүгэр түһэрбиттэрин бу баардыы өйдүүр.
* Галина Михайловна Беляева, 86 саастаах. Эдэркээн сылдьан, Алдаҥҥа көһөн кэлбитэ уонна сопхуос ыһыллыар диэри үтүө суобаһынан үлэлээбитэ. Олоҕун тухары тэрээһиҥҥэ барытыгар көхтөөх. “Дьэ, билигин сынньаныахха сөп буолла”, -- диэн мичээрдиир. Даача кэмэ түмүктэммитин кэннэ бэтэрээннэр сэбиэттэрэ сүбэлээбиттэригэр бу филиалга кэлэн үөрэ-көтө сынньанным. Хас биирдии күн биллибэккэ ааста, олус астынным!”
* Алла Илларионовна Беспрозванных, 73 саастаах. Ханнык да харгыстан толлон турбат, үйэтин тухары тутууга үлэлээбит, оннооҕор силиэсэрдии сылдьыбыттаах. “Мин Нерюнгрига аан бастаан сырыттым. Күн ахсын – түмэл, бибилэтиэкэ, киинэ, оннооҕор үҥкүүгэ сырыттыбыт! Быраастар, анаалыс, сэрээккэ... Дьиэбэр тиийиэм – хайаан да дьүөгэлэрбэр сүбэлиэм”, диир кини.
Маны таһынан “Амикан” пааркаҕа дьаарбайдылар, технопааркаҕа баар сүүнэ улахан БелАЗтарга тиийэ сырыттылар уонна “Нерюнгринские Долголетки” кулууп чилиэннэрин кытары ирэ-хоро итии чэйдээх кэпсэттилэр.
Маннык айан көхтөөх сынньалаҥ, саҥа арыйыы уонна истиҥ кэпсэтии хайа да сааска наадатын санатар. Сынньалаҥтан күүс-уох ылаҕын, доруобуйаҕын тупсараҕын уонна саҥа доҕоттору кытары билсэҕин.
Эһиги эмиэ маннык айаҥҥа турунуоххутун баҕараҕыт дуо? Оччоҕо маннык симиэнэлэргэ суруйтарыҥ:
* алтынньы 7–16 күннэрэ
* алтынньы 21–30 күннэрэ
* сэтинньи 4–13 күннэрэ
* сэтинньи 18–27 күннэрэ
* ахсынньы 2–11 күннэрэ
* ахсынньы 16–25 күннэрэ
Сиһилии маннык төл. эрийэн билсиҥ: 8 (914) 826-30-55, 8 (914) 271-00-88, 8 (914) 109-58-06.
