Дьокуускайга “Аврора” мэдиссиинэ килииньикэтин Көхтөөх уһун үйэлэнии киинигэр биһиги үтүө доҕотторбут – Дьокуускай куораттааҕы кииннэммит бибилэтиэкэ ситимин 5-с №-дээх “Книга 0.3” филиал исписэлиистэрэ -- ыалдьыттаатылар.
Сүрүннүүр бибилэтиэкэр Ирина Николаеваны уонна кэллиэгэтэ Айсена Иванованы Кииҥҥэ куруук кэтэһэллэр, үөрэ-көтө көрсөллөр. Кинилэр сырыылара биһиэхэ үтүө үгэскэ кубулуйда.
“Биһиги бу Көхтөөх уһун үйэлэнии киинигэр ыйга иккитэ хайаан да кэлэн бэсиэдэ ыыта, кинигэ билиһиннэрэ эрэ буолбакка, аҕам саастаахтарбытыгар аныгы гаджеттары хайдах туһанарга үөрэтэбит”, -- диир Ирина Николаева.
Кинилэр бэрт судургутук төлөпүөн кыаҕын хайдах туһанарга быһааран биэрэллэр. Холобур, биир кунуопканан таксыыны хайдах ыҥырары, социальнай ситимнэргэ сүтэрсибит доҕоттору хайдах көрдөөн буларга, төлөпүөн хаартыскаттан сылтаан өйө туолан хаалар буоллаҕына, хайдах гынарга, саҥа миэстэни хайдах таһаарарга, кырасыабай хартыыналары хайдах хачайдыырга эбэтэр бэйэҥ хайдах оҥороргор уо.д.а.
Бубибилэтиэкэ саамай сүрүн уратыта сыыппара кыраамататыгар үөрэтии эрэ буолбатах. “Книга 0.3” бибилэтиэкэ – сытар, дьиэттэн кыайан тахсар кыаҕа суох ыарыһахха буор босхо кинигэни дьиэтигэр аҕалан биэрэр суос-соҕотох бибилэтиэкэ. Маныаха сайаапканы эрэ хаалларыахха наада – кинигэҥ начаас илиигэр туттарыллар. “Бу өҥөбүт былдьаһыкка сылдьар. Хайа да саастаах киһи ааҕыан, туох эрэ саҥаны билиэн баҕарар”, -- диир Ирина Николаева.
Маннык көрсүһүүлэртэн аҕам саастаахтарбыт бэрт элбэҕи, саҥаны-сонуну, туһалааҕы билэллэр. “Сааһырдыҥ да аныгы тиэхиньикэни кытары доҕордоспоккун” диэн санааны кыйдыырга бэйэ-бэйэҕэ көмөлөсүһүү, киһилии сыһыан элбэҕи быһаарар.
8 914 271-00-88 нүөмэргэ эрийэн суруйтара охсуҥ!
Сүрүннүүр бибилэтиэкэр Ирина Николаеваны уонна кэллиэгэтэ Айсена Иванованы Кииҥҥэ куруук кэтэһэллэр, үөрэ-көтө көрсөллөр. Кинилэр сырыылара биһиэхэ үтүө үгэскэ кубулуйда.
“Биһиги бу Көхтөөх уһун үйэлэнии киинигэр ыйга иккитэ хайаан да кэлэн бэсиэдэ ыыта, кинигэ билиһиннэрэ эрэ буолбакка, аҕам саастаахтарбытыгар аныгы гаджеттары хайдах туһанарга үөрэтэбит”, -- диир Ирина Николаева.
Кинилэр бэрт судургутук төлөпүөн кыаҕын хайдах туһанарга быһааран биэрэллэр. Холобур, биир кунуопканан таксыыны хайдах ыҥырары, социальнай ситимнэргэ сүтэрсибит доҕоттору хайдах көрдөөн буларга, төлөпүөн хаартыскаттан сылтаан өйө туолан хаалар буоллаҕына, хайдах гынарга, саҥа миэстэни хайдах таһаарарга, кырасыабай хартыыналары хайдах хачайдыырга эбэтэр бэйэҥ хайдах оҥороргор уо.д.а.
Бубибилэтиэкэ саамай сүрүн уратыта сыыппара кыраамататыгар үөрэтии эрэ буолбатах. “Книга 0.3” бибилэтиэкэ – сытар, дьиэттэн кыайан тахсар кыаҕа суох ыарыһахха буор босхо кинигэни дьиэтигэр аҕалан биэрэр суос-соҕотох бибилэтиэкэ. Маныаха сайаапканы эрэ хаалларыахха наада – кинигэҥ начаас илиигэр туттарыллар. “Бу өҥөбүт былдьаһыкка сылдьар. Хайа да саастаах киһи ааҕыан, туох эрэ саҥаны билиэн баҕарар”, -- диир Ирина Николаева.
Маннык көрсүһүүлэртэн аҕам саастаахтарбыт бэрт элбэҕи, саҥаны-сонуну, туһалааҕы билэллэр. “Сааһырдыҥ да аныгы тиэхиньикэни кытары доҕордоспоккун” диэн санааны кыйдыырга бэйэ-бэйэҕэ көмөлөсүһүү, киһилии сыһыан элбэҕи быһаарар.
8 914 271-00-88 нүөмэргэ эрийэн суруйтара охсуҥ!
