Көхтөөх уһун үйэлэнии киинэ: саҥа сылы – кырдьаҕастарга кыһамньылаахтык

Дьокуускай куоракка баар “Аврора” мэдиссиинэ килииньикэтин Көхтөөх уһун үйэлэнии киинигэр сыл бастакы сезона тохсунньу 12 күнүттэн саҕаланна. Санатар буоллахха, биһиги кииммит аҕам саастаахтарга биир сиргэ сытан толору мэдиссиинэ көрүүтүн ааһарга, уопуттаах исписэлиистэр сүбэлэрин ыларга, чэбдигирдиини, эмтэнии кууруһун ааһыыны уонна бириэмэни туһалаахтык, астына-дуоһуйа, сынньалаҥнык аһардарга ыҥырар. Көхтөөх уһун үйэлэнии киинин сэбиэдиссэйэ Вероника Макарова этэринэн, үүммүт сыл бастакы сезонугар өрөспүүбүлүкэ араас муннуктарыттан сынньана кэлбиттэр. - Вероника Александровна, саҥа сыл саҥа саҕахтары арыйар уонна үгүс саҥа былааннары түстүүр. Бастакы сезону хайдах настырыанньалаах арыйдыгыт? - Саҥа сыл бастакы үлэ күнүн өрө көтөҕүллүүлээхтик саҕалаатыбыт. Бырааһынньыктар кэмнэригэр тапталлаах үлэбитин уонна күндү сынньанааччыларбытын олус аҕынныбыт. Биһиги үлэбит-хамнаспыт сүрүн сыалын ыһыктыбат: мэдиссиинэ чинчийиилэрин кыаҕын кэҥэтэн уонна сынньалаҥы туһалаахтык аттаран, аҕам саастаахтарбыт доруобуйаларыгар кыһамньы. - Дьокуускайга баар киин бастакы симиэнэтэ хайдах саҕаланна, кимнээх кэлэн сынньана сыталларый? - Бастакы симиэнэбит тохсунньу 12 күнүгэр саҕаламмыта уонна бу ы 23 күнүгэр диэри салҕаныаҕа. Биһиэхэ Саха сирин араас муннуктарыттан кэлэн сынньана сылдьаллар: Дьокуускайтан, Сунтаартан, Намтан уонна Эбээн Бытантай улуустарыттан. Кинилэр номнуо бодоруһан, бары биир дьиэ кэргэн курдук буоллулар. Үөлээннээхтэр бэйэ-бэйэлэрин кытары алтыһалларын көрөн киһи үөрэр. - Эһиги кииҥҥитигэр кэлэн сынньаныан уонна чугас дьонун сынньатыан баҕалаахтарга тугу сүбэлиэҥ этэний? - Уһун, доруобуй үйэлэнии саамай сүрүн быраабылата – бэйэ доруобуйатыгар кыһамньы уонна болҕомто. Хас биирдии аҕам саастаах тулалыыр дьонуттан өйөбүлү,болҕомтону эрэйэр. Атах тэпсэн олорон ирэ-хоро кэпсэтии, эт-хаан хамсаныылара – доруобуйаны өйүүргэ уонна үөрэ-көтө сылдьарга олус туһалаах. Онон биһиги кииммитигэр кэлэн сынньаныҥ, бэйэҕитин уонна чугас дьоҥҥутун харыстамматаххытына, ону ким гыныай? Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189