“Аврора” мэдиссиинэ килииньикэтин дириэктэрэ Николай Христофоров бу күннэргэ Бэрдьигэстээххэ сырытта. Улуус салалтата салгыы биһигини кытары бииргэ үлэлииргэ бэлэмнээхтэрин биллэрдилэр.
Автор фото: Минздрав РС(Я)
“Көхтөөх уһун үйэлэнии” киинигэр бу күннэргэ Нерюнгрига доруобуйаларыгар хааччахтаах уонна инбэлиит оҕолору, улахан дьону кэлимник реабилитациялыыр “СУВАГ” өрөспүүбүлүкэтээҕи киин дириэктэрин солбуйааччы Наталья Иннокентьевна Кребс үлэни-хамнаһы билсэ кэлэ сырытта.
Горнай улууһа СӨ Үлэҕэ уонна социальнай сайдыыга министиэристибэтэ биллэрбит субсидия куонкуруһугар кыайбыта. Инньэ гынан улууска аҕам саастаахтар олохторун тупсарыыга туһуламмыт араас хабааннаах тэрээһини ыыттылар.
Санатар буоллахха, 2023 сыл түмүгүнэн Горнай улууһа демография уонна дьиэ кэргэн бэлиитикэтин олоххо киллэриигэ өрөспүүбүлүкэҕэ бастыҥ буолбута уонна Ил Дархан 10 мөл. солк. суумалаах гранын ылбыта.
2025 сыллаахха судаарыстыбаннай бүддьүөттэн СӨ Үлэҕэ уонна социальнай сайдыыга министиэристибэтин “Көхтөөх уһун үйэлэнии” бырагырааматын чэрчитинэн 1 мөл. 417 тыһ. солк. үп көрүллүбүтэ.
Горнай улууһугар сыллата аҕам саастаахтарга туһуламмыт култуура-успуорт тэрээһинэ тиһигин быспакка ыытыллар. Инньэ гынан улуус кырдьаҕастара чуҥкуйары билбэттэр, успуорт күрэхтэригэр, айар бэстибээллэргэ уонна сынньалаҥ тэрээһиннэригэр кыттан солото суохтар. Маннык тэрээһиннэр кырдьаҕастары кынаттыыллар, үөлээннээхтэр бэйэ-бэйэлэрин кытары алтыһан санаалара өрө көтөҕүллэр.
Улуустааҕы социальнай бэлиитикэ управлениетын начаалынньыга Туйаара Павлова кэпсээбитинэн, Горнай улууһугар 55 саастарын ааспыт 2751 киһи олорор, кинилэр истэригэр 20 тыыл бэтэрээнэ уонна 106 сэрии оҕото баар.
“Демография” национальнай бырайыак иитинэн аҕам саастаахтар олохторун хаачыстыбата тупсарыгар уонна үйэлэрэ уһууругар анаан, “Аврора” мэдиссиинэ килииньикэтин кытары 2024 сылтан бииргэ үлэлэһэргэ сөбүлэҥ түһрсиллибитэ. Ол чэрчитинэн 120 аҕам саастааҕы хабан социальнай өҥө оҥоһулунна. Кырдьаҕастар күннэрин баттаһа “Аврора” быраастара улууска тахсан аҕам саастаахтар доруобуйаларын көрбүттэрэ-истибиттэрэ. Быйыл эмиэ СӨ Үлэҕэ уонна социальнай сайдыыга министиэристибэтин куоннкуруһугар кыттаары сылдьабыт. Улууспут олохтоохторо куорат быраастара биһиэхэ тахсан көрөллөрүгэр үөрэнэн да хааллылар, кэтэһэллэр. Үчүгэйдик көрөллөр-истэллэр диэн хайҕыыртан атыны эппэттэр. Ордук “Көхтөөх уһун үйэлэнии” киинигэр сынньаммыт дьон улаханнык астыммыттар. Элбэх киһи ити кииҥҥэ киирэн эмтэнэр, сынньанар баҕалаах”, -- диэтэ кини.
Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189
Made on
Tilda