Быар куустан олорумуох!

Үлэһит киһи күннэтэ дьону кытары алтыһар, хамсанар-имсэнэр буолан, толкуйдуур дьоҕура уонна этэ-сиинэ да чөл буолар. Үлэҕэ тиэстэр киһи, күнүн эрдэттэн былаанныыр, быдан эппиэтинэстээх, уопсастыбаҕа наада буоларын чопчу өйдүүр, онон толору олоҕу олорор курдук сананар. Уйулҕа үөрэхтээхтэрэ бэлиэтииллэринэн, киһи үлэтиттэн тохтоон уурайда да, физическэй уонна психологиечскай туруга мөлтөөбүтүнэн барыан сөп. Онуоха бочуоттаах сынньалаҥҥа тахсыбыт киһи дьоллоох уонна көхтөөх буоларын туһугар тугу гыныахтааҕый? 1. Күннээҕи былааны тутуһуҥ. Эмискэ ыллыҥ да, олоҕурбут күннээҕи бэрээдэккин ыһан кэбиһэр табыллыбат. Сарсыарда уһуктуу, сэрээккэ, дуус, сарсыардааҥҥы үссэнии, дьиэттэн тахсыы (салгыҥҥа дьаарбайа, маҕаһыыҥҥа, көрсүһүүгэ, успуордунан дьарыкка уо.д.а.) – бу күннээҕи олус суолталаах дьайыылар эти-сиини чэбдигирдэргэ уонна күннээҕи үчүгэй настырыанньаны олохтуурга туһалаах. 2. Дьону кытары алтыһыҥ. Чугас дьоҥҥутун эрэ кытары буолбакка, уопсастыбаҕа тахсан дьону кытары кэпсэтиҥ, билсиҥ-көрсүҥ. Холобур, нэһилиэнньэ социальнай өйөбүлүн кииннэригэр, бибилэтиэкэлэргэ уонна култуура кииннэригэр араас тэрээһиннэр ыытыллаллар. Биэнсийэлээхтэргэ анаан араас куруһуоктар, дьарыктар бааллар, онно кыбыстыбакка сылдьыҥ. “Аврора” мэдиссиинэ килииньикэтин Көхтөөх уһун үйэлэнии киинигэр култуурунай сынньалаҥ араас көрүҥүн тэрийэн ыытабыт: манна ыллыыргы, үҥкүүлүүргэ үөрэтэбит, успуордунан дьарыгырабыт. Маны таһынан, биһиги баай ис хоһоонноох култуурунай бырагыраамабытыгар дьоҥҥо-сэргэҕэ тахсыы эмиэ баар – тыйаатырдарга, түмэллэргэ уонна да атын култуурунай тэрээһиннэргэ сылдьабыт. 3. Наадыйар дьоҥҥо көмөлөс. Саха сиригэр аҕам саастаахтар дьиэҕэ таах бүгэн олорбокко, волонтердар кэккэлэрин хаҥаталлара бэрт хайҕаллаах. Кинилэр анал байыаннай дьайыы кыттыылаахтарыгар эрэ буолбакка, көмөҕө чахчы наадыйар араҥаҕа төһө кыалларынан көмөлөһөллөр. Маны таһынан, оҕолоох дьоҥҥо көмөлөһөн, кыра бириэмэҕэ оҕолорун көрсөн абырыыллар, ким эрэ уруок аахтарар, ким эрэ дьарыктыыр. Уопсайынан, хас биирдиибит уопута олус сыаналаах, онон сатабылгытын дьоҥҥо иҥэрэргэ кыһаллыҥ. 4. Саҥаны билии. Киһи хайа да сааһыгар саҥаны арыйыахтаах, саҥа сатабыллары, үөрүйэхтэри иҥэриниэхтээх. Биэнсийэҕэ олорон эһиги сөбүлүүр дьарыккытын булуҥ. Эбэтэр омук тылын үөрэтиҥ, көмпүүтэр куурустарыгар сылдьыҥ, уруһуйдуурга үөрэниҥ... Маныаха дьиэттэн тахсыбакка да, интэриниэтинэн босхо куурустары булан үөрэниэххэ сөп. Сүрүнэ – баҕа эрэ наада. 5. Сыһыаны бөҕөргөтүҥ. Дьоҥҥо өс саҕа буолар, ордук хоһу саҥарар, кыыһырар-тымтар, өһүргэнэр, куттуур – олох наадата суох. Ити барыта доруобуйаҕа наһаа охсуулаах. Ол кэриэтин дьону кытары үөрэ-көтө интэриэһинэй дьарыктары булан, араас тимэни ырытыһан алтыспыт көнө. Дьоҥҥутун кытары уопсай үгэстэри булуҥ. Дьоҥҥо эрэнэ үөрэниҥ, хонтуруоллаамаҥ, эһиги эрэ баҕарбыккыт курдук буолуохтаах диэн санаамаҥ, дьон санаатын эмиэ учуоттааҥ. Оччоҕуна дьону кытары уопсай тылы дэбигэс булуоххут уонна сыһыаҥҥыт истиҥ, чугас буолуоҕа. Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189