Горнай улууһун дьаһалтата Кииҥҥэ бөлөхтөрү аҕалан сынньатар

2024 сылтан Горнай улууһун биэнсийэлээхтэрэ “Аврора” мэдиссиинэ килииньикэтин Көхтөөх уһун үйэлэнии киинигэр кэлэн, чэбдигирдэр сынньалаҥы уонна реабилитацияны ааһаллар.

Манна ыалдьыттары истиҥник көрсөллөр, күүһү-уоҕу эбинэргэ, ыарыы кэннэ чөлгө түһэргэ көмөлөһөллөр уонна бириэмэни туһалаахтык, көхтөөхтүк атаартараллар.

Дьокуускайга 124-с сезоҥҥа Горнай улууһуттан 14 аҕас саастаах кэлэн сынньанна. Кинилэр ортолоругар улуус киинэ Бэрдьигэстээхтэн, Аһыматтан, Дьиикимдэттэн, Бэс Күөлүттэн, Орто Суртан, Маҕарастан бааллар.

Ыалдьыттарбыт Кииҥҥэ истиҥ сыһыан, сылаас эйгэ баарын, үлэһиттэр болҕомтолоохторун уонна туһалаах бороссодууралары бэлиэтииллэр. Үгүстэр үйэлэригэр аан бастаан сонотуоруйга сынньаннылар уонна биһиги Кииммитигэр хайаан да кэлэргитигэр сүбэлииллэр.

Ирина Трофимовна Никифорова, 87 саастаах:

-- Мин Бэрдьигэстээхтэн сылдьабын. Улууспут дьаһалтата Көхтөөх уһун үйэлэнии киинин кытары ыкса үлэлэһэр буолан, путевкабытын баара-суоҕа 5 эрэ тыһ. солк. ыллыбыт. Онон улууспут баһылыгар махталбыт муҥура суох! Киин кэлэктиибигэр маннык умнуллубат сынньалаҥы бэлэхтээбиттэригэр сиргэ тиийэ махтал! Биһигини наһаа үчүгэйдик көрүстүлэр. Мин аан бастаан маннык сынньалаҥҥа сырыттым. Доруобуйабытын бөҕөргөттүбүт, бэрт элбэх саҥаны-сонуну биллибит. Онон манна хайаан да кэлиҥ диэн сүбэлиибин! Эдэрдэргэ доруобуйаларын көрүнэ сылдьалларыгар уонна куруук үөрэ-көтиө сылдьалларыгар, наар үчүгэйи эрэ ыраланалларыгар, олох устун холкутук айанныылларыгар баҕарабын.

8 914 271-00-88 нүөмэргэ эрийэн суруйтара охсуҥ!