Атырдьах ыйы.н 20 – 31 күннэригэр Уһун үйэлэнии киинигэр Эбээн Бытантай, Орто Халыма, Таатта, Бүлүү, Уус Алдан улуустарыттан уонна Дьокуускайтан 10 киһи сынньанна.
Бу сезоҥҥа аан маҥнай “Уһун үйэлээх” кэҥэтиллибит чек-ап бырагыраамата үлэлээтэ. Сынньанааччылар аҕам саастаахтарга бэрт табыгастаах уонна туһалаах бырагыраама баар буолбутун бэлиэтээтилэр.
Елена Константиновна Рожина, Эбээн Бытантайтан, 79 саастаах:
– Уһун үйэлэнии киинигэр иккиспин сынньанабын. Дьүөгэлэрбин кытта сынньана сытабын. Кэҥэтиллибит чеп-ап бырагырааматын хайҕаатым. “Аврора” мэдиссиинэ килииньикэтин быраастарыгар уонна Уһун үйэлэнии кэлэктиибигэр махталбын тиэрдэбин!
Ульяна Степановна Арбыкина, Дьокуускайтан, 79 саастаах:
– Киин бастаан 2022 сыллаахха сынньаммытым. Оччолорго чек-ап бырагырааматыгар наадалаах сүрүн исписэлиистэр киирэллэрэ. Билигин гинеколог, окулист, хирург, лор быраастар эбии баар буолбуттар. Кинилэргэ көрдөрүөхпүн баҕарар этим. Поликлиникабар эбитэ буоллар, 2-3 нэдиэлэ устата көрдөрүөм этэ. Манна 2 күн иһигэр бүттүм.
Матрена Егоровна Слепцова, Тааттаттан, 78 саастаах:
– Миэхэ оҕолорум путевка бэлэхтээбиттэрэ, Кииҥҥэ бастакыбын сынньанным. Балыыһаҕа үгүстүк сылдьыбаппын. Манна кэлэн элбэх бырааска көрдөрүннүм, доруобуйам туругун биллим.
Светлана Ильинична Старостина, Уус Алдантан, 79 саастаах:
– Мин урут ханнык да сонотуоруйга сынньана илигим. “Аврора” килииньикэ Уһун үйэлэнии киинигэр бэркэ табыллан чек-ап аастыбыт. Биир үөлээннээхтэрбэр манна сынньана сытан доруобуйаларын сиһилии көрдөрөллөрүгэр сүбэлиибин. Массааһы таһынан араас эмтиир бороссодуура баар – быраас суруйуутунан укуол, капельница, ону сэргэ кымыһынан, хомуһунан эмтэнии.
Раиса Фёдоровна Лысенко, Бүлүүттэн, 65 саастаах:
– Ахсынньыга инсуллаабытым, кулун тутарга атахпын өлөрбүтүм. Уһун үйэлэнии киинигэр доруобуйабын бөҕөргөтүөм, күннээҕи түбүктэн сынньаныам диэн эрэллээхпин.
Александра Прокопьевна Филиппова, Орто Халыматтан, 71 саастаах:
– Мин Кииҥҥэ үгүстүк кэлэн ыалдьыттыырым таһынан Улахан Ааҥҥа баар филиалга тэрийээччи быһыытынан иккитэ үлэлээн турабын. Бу сырыыга киэҥ бырагыраамаҕа түбэһэн үөрдүм. Өскөтүн маннык чинчийиини Дьокуускай чааһынай килииньикэлэригэр барарым эбитэ буоллар, ботуччу сууманы охсон таһаарыахтар этэ. Манна араас чинчийиини ааһарбыт, эмтэнэрбит таһынан көхтөөх култуурунай олоҕунан “олоробут”. Тыйаатырдарга, түмэллэргэ, киинэлэргэ сылдьан бэркэ сэргэхсийэбит.
Бу сезоҥҥа аан маҥнай “Уһун үйэлээх” кэҥэтиллибит чек-ап бырагыраамата үлэлээтэ. Сынньанааччылар аҕам саастаахтарга бэрт табыгастаах уонна туһалаах бырагыраама баар буолбутун бэлиэтээтилэр.
Елена Константиновна Рожина, Эбээн Бытантайтан, 79 саастаах:
– Уһун үйэлэнии киинигэр иккиспин сынньанабын. Дьүөгэлэрбин кытта сынньана сытабын. Кэҥэтиллибит чеп-ап бырагырааматын хайҕаатым. “Аврора” мэдиссиинэ килииньикэтин быраастарыгар уонна Уһун үйэлэнии кэлэктиибигэр махталбын тиэрдэбин!
Ульяна Степановна Арбыкина, Дьокуускайтан, 79 саастаах:
– Киин бастаан 2022 сыллаахха сынньаммытым. Оччолорго чек-ап бырагырааматыгар наадалаах сүрүн исписэлиистэр киирэллэрэ. Билигин гинеколог, окулист, хирург, лор быраастар эбии баар буолбуттар. Кинилэргэ көрдөрүөхпүн баҕарар этим. Поликлиникабар эбитэ буоллар, 2-3 нэдиэлэ устата көрдөрүөм этэ. Манна 2 күн иһигэр бүттүм.
Матрена Егоровна Слепцова, Тааттаттан, 78 саастаах:
– Миэхэ оҕолорум путевка бэлэхтээбиттэрэ, Кииҥҥэ бастакыбын сынньанным. Балыыһаҕа үгүстүк сылдьыбаппын. Манна кэлэн элбэх бырааска көрдөрүннүм, доруобуйам туругун биллим.
Светлана Ильинична Старостина, Уус Алдантан, 79 саастаах:
– Мин урут ханнык да сонотуоруйга сынньана илигим. “Аврора” килииньикэ Уһун үйэлэнии киинигэр бэркэ табыллан чек-ап аастыбыт. Биир үөлээннээхтэрбэр манна сынньана сытан доруобуйаларын сиһилии көрдөрөллөрүгэр сүбэлиибин. Массааһы таһынан араас эмтиир бороссодуура баар – быраас суруйуутунан укуол, капельница, ону сэргэ кымыһынан, хомуһунан эмтэнии.
Раиса Фёдоровна Лысенко, Бүлүүттэн, 65 саастаах:
– Ахсынньыга инсуллаабытым, кулун тутарга атахпын өлөрбүтүм. Уһун үйэлэнии киинигэр доруобуйабын бөҕөргөтүөм, күннээҕи түбүктэн сынньаныам диэн эрэллээхпин.
Александра Прокопьевна Филиппова, Орто Халыматтан, 71 саастаах:
– Мин Кииҥҥэ үгүстүк кэлэн ыалдьыттыырым таһынан Улахан Ааҥҥа баар филиалга тэрийээччи быһыытынан иккитэ үлэлээн турабын. Бу сырыыга киэҥ бырагыраамаҕа түбэһэн үөрдүм. Өскөтүн маннык чинчийиини Дьокуускай чааһынай килииньикэлэригэр барарым эбитэ буоллар, ботуччу сууманы охсон таһаарыахтар этэ. Манна араас чинчийиини ааһарбыт, эмтэнэрбит таһынан көхтөөх култуурунай олоҕунан “олоробут”. Тыйаатырдарга, түмэллэргэ, киинэлэргэ сылдьан бэркэ сэргэхсийэбит.
